Cefnogi Cydymffurfio mewn Cludiant Ysgol – Beth sydd ar y Gorwel?

Mae awdurdodau lleol yn wynebu pwysau cynyddol i sicrhau bod gwasanaethau cludiant cartref i ysgol yn ddiogel, yn cydymffurfio ac yn gost-effeithiol. Er bod diogelu a gweithrediad effeithlon bob amser yn flaenoriaeth, mae cwrdd â gofynion contractiol ac amgylcheddol yr un mor bwysig.

Yn MoveSmarter, rydym yn adeiladu offer i helpu awdurdodau lleol i reoli cydymffurfiaeth gweithredwyr yn haws. Un nodwedd sydd ar y ffordd yw caniatáu i’r gyrwyr gadarnhau manylion y cerbyd a gwirio’r cerbyd cyn dechrau taith. Byddwn yn diweddaru ein dyfeisiau sganio cludadwy i gynnwys:

• Hysbysiad i’r gyrrwr gadarnhau rhif cofrestru’r cerbyd ar ddechrau’r daith
• Cadarnhad bod arolwg cerbyd wedi’i gwblhau’n llwyddiannus

Mae’r newidiadau bach hyn yn hanfodol i gefnogi goruchwyliaeth contractau awdurdodau lleol gan sicrhau bod gweithredwyr yn cyflawni eu rhwymedigaethau cyn pob taith.

Mae manteision amgylcheddol hefyd. Drwy gofnodi rhif cofrestru’r cerbyd, gallwn gyfateb data teithiau i fath a chategori allyriadau’r cerbyd yn fwy cywir. Mae hyn yn galluogi adrodd mwy manwl ar allyriadau CO₂ – nodwedd arall sydd ar y gweill.

Ein nod yw cefnogi awdurdodau lleol i gyflawni uchelgais Llywodraeth Cymru, fel sy’n cael ei amlinellu yn “Statws Carbon Net Sero erbyn 2030: Map ffordd i ddadcarbonadu sector cyhoeddus Cymru.”

Mae pob cam tuag at well data, goruchwyliaeth a chyfrifoldeb yn ein helpu i agosáu at systemau cludiant sydd nid yn unig yn fwy diogel ac effeithlon, ond yn rhan o ddyfodol cynaliadwy i’r sector cyhoeddus.

Gadewch i ni Symud yn Ddoethach.